Pakkeliste og siste info om Strandafjellturen:)

Gladnyheit: Turen blei mykje billegare enn forventa!



Reise:
- Oppmøte Hareid ferjekai kl 17.40 fredag 2.mars
- Heime på Hareid sundag kl 18.30 (kan muligens bli endringar i dette..)

Hugs å ha med:
- 200 kr (reise, middag, opphald). Lever dette til Bjørn Sverre på ferjekaia.
- 240 kr (heiskort) + keycard (dersom du ikkje har dette får du kjøpt/leigd det i skitrekket)
- Bibel
- Laken (til madrass)
- Sovepose og eventuellt pute
- Handkle og klesskifte
- Skiklede og skiutstyr (til snøfjøl MÅ du ha LANG fangreim - dette får du kjøpt dersom du ikkje har)
- Brødmat, så mykje som du trur du et i løpet av helga( 4 brødmåltid + 2 lunsjpauser). Er du usikker, ta med 1 brød!
- Pålegg

P.S: Vi kjem til å samle inn brød og pålegg når vi kjem fram. Dvs at det du tek med blir fellesmat:)

Ta også gjerne med:
- Gymklede dersom de vil halde på med aktivitetar i hallen:)
- Famile-, kortspel, yatzy eller liknande.
- Kamera (dersom du har).
- Termos til kakao/ te etc...

- Godt humør tar du så klart også med:)

Opplegg:
- Laurdag og sundag i skitrekket frå 10-16
- Kveldane: Andakt/bibel, sosialt, bli kjent, diverse leikar:)

NB! Krik betalar for reisa til KRIK-medlemmar. Alle andre må betale reisa sjølv, eller ta kontakt med Bjørn Sverre (99230536) for å bli medlem.

Ser fram til ein knakandes kjekk tur!!!

Tur til Strandafjellet 2.-4. mars!

2.-4. mars reiser Krik Hareid til Strandafjellet for å stå på ski/snowboard og ha det utruleg kjekt ilag:)

Her kjem litt info som kan vere greitt å få med seg:

• Avreise: Fredagskveld frå Hareid ferjekai (vi stiller med privatbilar)


• Overnatting: Vestborg privatskule.
  
• Pris: 300-400 kr(reise, mat, opphald og ovenatting). Heiskort kjem i tillegg.
  2-dagarskort
  Under 15 år: 310 kr
  F.o.m 15 år: 450 kr

Tips til UVS-elevar: I skuledagboka vår er eit rabattkort som gjeld for Strandafjellet.
Det er også muligheit for å leige ski/snowboard dersom du ikkje har eige utstyr.

Laurdag og søndag kjem vi til å vere i bakken på dagtid. Om kveldane kosar vi oss på skulen i lag og har ei samling med andakt, og ellers anna leik og moro. Ta gjerne med brettspel, kortstokk etc:)

Heimreise blir etter vi har vore i trekket og rydda på skulen sundag.

Dette blir ein knalltur, som du ikkje må gå glipp av!:)
Påmelding: Ta kontakt med nokon i styret eller ta kontakt med Mario Liavåg (tlf: 99 36 29 28)

NB! NB! Det blir ikkje samling fyrstkomande laurdag 24.februar p.g.a vinterferie. Ha ein god ferie alle saman, så snakkast vi på Strandafjellet om ikkje så lenge;)

Samling på barneskulen

Laurdag, 17. februar er det KRIK på BARNESKULEN på Hareid (grunna Hareidhallen er oppteken).
Tidspunkt: kl 1630-1800

Aktivitetar: Landhockey & volleyball (eventuelt kanonball dersom vi ikkje får opp nettet).

Andaktshaldar: Turid Engen

Aktuelt: Påmelding til Strandafjellet (skitrekk) 2.-4. mars! Meir info om turen kjem like rundt hjørnet...

Vi veit du har lyst å kome... :)

Velkomen til KRIK Hareid si bloggside :)

Heisann, du - ja, akkurat du! :)

Vi (styret) vil ynskje deg velkomen til KRIK Hareid si bloggside - den fyrste i historia (som eg veit om). Vi er spente på kva dette vil ha å seie for lokallaget vårt!
Litt info om oss:
KRIK Hareid blei mest truleg starta opp i 1999, og har sidan då hatt samlingar i Hareidhallen tre-fem gongar i månaden med leik, andakt og spel (fotball, basketball, landhockey, frisbee, rugby, kanonball, turn, volleyball etc.). Dette er oppskrifta også i år... - kvifor endre på noko som fungerar? :) Når det er finevêr er det sjølvsagt moglegheit for å ha ei lokallagssamling ute!

Ellers arrangerar vi avslutningsturar, skitur til Strandafjellet, og liknande - forøvrig veldig populære turar(!). Det er også planar om fleire spanande utflukter og sosiale opplegg utover våren, så berre fylg med!




For å få til alt dette sit det eit styre bak lokallaget, og det nåverande styret består av følgjande personar:
Mario Liavåg (leiar), Ragnhild Husøy (nestleiar), Bjørn Sverre Hjelle Juliussen (kasserar), Helga Nødland Gjerde (sekretær), Bendik Elvanes (tursjef) og Hege Jørandli Flakk (redaktør). Dette er ein fantastisk gjeng som ivrar etter å ha det moro saman med akkurat deg!

Vi ynskjer å sette fokus på Jesus Kristus, og ha det moro saman med Han og kvarandre!



Du som går på ungdomsskule eller vidaregåande skule er hjarteleg velkomen til å bli med! Fylg med på denne sida, så vil du få informasjon om når ting skjer - slik at det berre er å droppe inn. Vi sjåast! :)